الأربعاء، 7 أغسطس 2013

يونس


سفن نجاتي اتكسرت
ضلي الديابه سكنته
كل اللي باقي في دنيتي
حبه صور متفركه
من كدبتك اني البطل
ازاي بطل؟؟
ازاي اطير وسط الطيور
من غير جناح
ازاي اسابق ضلتي
والليل سبق
عمري اتسرق
من قلب صندوق البكا
علي رقدتي جوه التابوت
يونس جديد
كل المراكب تحدفه
ومش لاقي حوت
فاهجر انا مستقبلي
واسند علي ضهر التاريخ
ما هو الطبيعي في ضمتك
كل البشر تقدر تموت
لكن الحقيقه المعضله
مش كلهم يقدر يعيش

شعر: 
اسلاM سعيد

مجرد تمرد


بدور ليلاتي فكل الخرايط
يمكن الاقي مدينه كلامها
بيعبر مراحل ما بعد اللغه
واكتب اليكي شويه رسايل
واقولك بحبك لبعد الممات
وابوحك في سري بكل المعاني
قصايد عددها صنع معجزه
ولو شعري يعجز يقولك حقيقه
اكيد قلبي عازف بنبضك حياه

شعر :
اسلاMسعيد

لوحه الليل الحزين


شمسي اللي خانت ناويه تغادر
وترسم شجاعتي مقابر مقابر
تبور فأرضي تهشهش فعودي
تبخر فعرقي وتنكر وجودي
وتعصر سحاب النفاق ع البيبان
وتجبر تاريخي يكدب كلامي
تلملم بواقي الصور م الحيطان
تكمل باسمي بقيت الأسامي

شعر:
اسلاM سعيد

سجال


لملم قصايدك وانسحب
ولو في يوم بيت زعل
ابقي اسئله : ليه الديابه سكنته؟
لملم قصايدك كلها
جفف بحور
ابطر حروف وسط الكلام
اصل النقط اتمردت
من كتر كدبك في القصايد
نقطط بره الورق
لملم صايدك كلها
من ضعفها
مش قادره توصف الاسد وسط العرين
بالطفل في اقصي العروبه المتهم
ان الحجر لو يحدفه يبقي انقرض
انا منسحب من السيجال
علشان قصايدي كلها جالها الخرس
ولو لقيت لك بيت قصيده يوصفه
سن الكلام وانحت قصايدك كلها
فوق جثتي متحنطه

شعر:
اسلاM سعيد